Avioni përplaset me disa kamionë teksa zbriste në pistë, tre të plagosur 17/11 22:57
Australia ka regjistruar një numër rekord viktimash nga koronavirusi që nga fillimi i pandemisë pasi situata epidemiologjike është përkeqësuar në Melburn.
Pavarësisht kësaj, ka pasur një ngadalësim të rasteve të reja që u ka dhënë shpresë zyrtarëve se vala e dytë në shtetin e Viktorias, mund të ketë arritur kulmin. Shteti Viktoria, kryeqytet i së cilit është Melburni, raportoi 19 vdekje të hënën.
Viktoria tani ka rreth dy të tretat e 314 vdekjeve në Australi dhe afërsisht 21.400 raste të të infektuarve. Por, numri i infeksioneve të përditshme megjithëse ende në qindra ka rënë ditët e fundit, duke bërë që autoritetet të shpresojnë se masat e izolimit janë duke funksionuar.
Më 3 gusht autoritetet fuqizuan masat, në mesin e të cilave përfshihet edhe ora policore në qytetin me pesë milionë banorë, pasi izolimi fillestar nuk ka arritur të ndalë përhapjen e virusit.
Punëtorët duhet të posedojnë një leje për t’u larguar nga shtëpia, dhe të gjitha bizneset jo thelbësore janë mbyllur.
Mbajtja e maskave në publik është gjithashtu e detyrueshme. Më shumë se 100 vdekje janë regjistruar në Viktoria vetëm javën e kaluar ndërsa shkalla e shtrimeve në spital gjithashtu ka shënuar rritje. Përveç dy shteteve të mëdha, Viktoria dhe Nju Sauth Uells, virusi efektivisht është eliminuar në pjesën tjetër të vendit.
Top Channel
