Të paktën 21 të vrarë nga një sulm izraelit në Gazë 04/12 22:20
Me 148 vdekjet e reja të regjistruara gjatë 24 orëve të fundit nga koronavirusi i ri (COVID-19) në Iran është rritur në 11.106 numri i viktimave në vend.
Zëdhënësja e Ministrisë së Shëndetësisë së Iranit, Sima Sadat Lari tha se në 24 orët e fundit në të gjithë vendin janë shënuar 148 vdekje dhe 2.652 raste të reja me COVID-19.
Me këtë ka arritur në 11.106 numri i vdekjeve dhe në 232.863 numri i rasteve me COVID-19 në vend, tha Lari e cila shtoi se deri më tani ka arritur në 194.098 numri i personave të shëruar që janë liruar nga spitalet.
Ajo theksoi se 3.097 nga të prekurit me COVID-19 janë në gjendje kritike, duke shtuar se ka arritur në 1.719.451 numri i testeve të kryera në vend.
Zëdhënësja tha se është rritur numri i personave të shtruar në spitalet në të gjitha rajonet.
Kreu i Qendrës për luftën kundër COVID-19 në Teheran, Ali Reza Zali tha se në Teheran në një ditë janë shtruar në spital 520 persona.
Zali thekson se numri i personave të shtruar në spital në kryeqytet është rritur me 7.9 për qind në 24 orët e fundit.
I përhapur nga Kina në gjithë botën, COVID-19 për herë të parë në Iran u shfaq më 19 shkurt në qytetin Qom.
Top Channel
