“Biden po përpiqet të nisë Luftën e Tretë Botërore përpara se babai im të marrë presidencën”, djali i Trump: I ka dhënë dritën jeshile… 18/11 09:47
Vëzhguesit e qiejve në një varg vendesh, nga Afrika perëndimore deri në gadishullin arabik, Indi dhe lindjen e largët, vëzhguan të dielën një eklips të rrallë diellor, ose siç njihet, unaza e zjarrit.
I ashtuquajturi eklips unazor ndodh kur hëna kalon mes tokës dhe diellit por nuk është afër mjaftueshëm për të errësuar tërësisht dritën e diellit, duke lënë të dukshëm një unazë të diskut diellor.
Këto eklipse ndodhin çdo një ose dy vjet dhe mund të shihen vetëm në një trajektore të ngushtë mbi planet. Eklipsi i të dielës vjen në ditën më të gjatë të vitit në hemisferën veriore, ekuinoksin veror, kur poli verior i Evropës është i drejtuar nga dielli. Unaza e zjarrit u pa së pari në republikën e Kongos, vetëm pak minuta pas agimit, për më shumë se një minutë e 22 sekonda.
Vëzhguesit e qiellit zakonisht nuk i lënë të shkojnë dëm okazione të tilla, por këtë radhë, pandemia e koronavirusit duket se ka penguar shumë prej tyre të arrijnë vendet më të mira të vrojtimit. Eklipsi unazor është i dukshëm vetëm nga rreth dy përqind e sipërfaqes së tokës.
Ai zakonisht trazon kafshët. Ndonjëherë zogjtë kthehen në gjumë gjatë tij dhe lopët kthehen në stalla. Një eklips diellor ndodh gjithnjë rreth dy javë para ose pas një eklipsi hënor, kur hëna hyn nën hijen e tokës. Eklipset hënorë janë të dukshëm nga rreth gjysma e sipërfaqes së tokës. Një eklips i dytë diellor do të mund të shihet këtë vit, më 14 dhjetor, mbi Amerikën e Jugut. Për shkak se hëna do të jetë pak më afër tokës, ajo mund të bllokojë tërësisht dritën e diellit, këtë radhë.
Top Channel
