“Si funksionon lufta hibride e Rusisë?”, analiza e DW: Ka zgjeruar vazhdimisht arsenalin përmes spiunazhit, sabotimit dhe sulmeve kibernetike 30/11 07:22
Një steroid i lirë e i pakushtueshëm i quajtur deksametazon, është bërë mjekimi i parë i provuar që shpëton jetë mes pacientëve të COVID-19, në atë që shkencëtarët quajtur “arritje madhore” në luftën kundër pandemisë së koronavirusit.
Rezultatet e testimeve të dala sot tregonin se ‘dexamethasone’, i cili përdoret për reduktimin e inflamacioneve në sëmundje si artriti, redukton përqindjet e vdekjeve me të paktën një të tretën, mes pacientëve të sëmurë rëndë me COVID-19.
Kërkuesit thonin se rezultatet tregonin për nevojën e menjëhershme të integrimit të mjekimit më sistem dhe ministria britanike e shëndetësisë menjëherë aprovoi përdorimin masiv dhe vendosi kufizime të eksportit të ilaçit.
“Testimet treguan se pacientët e COVID-19 në frymëmarrje me ventilatorë, të cilëve iu dha deksametasoni, kishin një përqindje të madhe shpëtimi dhe kjo u bë me kosto shumë të ulëta,” tha Martin Landray, profesor mjekësie në Universitetin e Oxford.
“Do të jetë shumë e vështirë që një mjekim tjetër ta zëvendësojë këtë pasi me rreth 60 dollarë mund të kurohen tetë pacientë,” tha ai në një mbledhje online.
Grupi kishte krahasuar rezultatet e 2,100 të cilëve u ishte dhënë steroidi, me ato të 4,300 pacientëve që nuk e kishin marrë.
Sipas studiuesve deksametasoni parandalonte një vdekje, në tetë të sëmurë rëndë me COVID-19.
Ata shtuan se në pacientët me COVID-19 që nuk kishin nevoje per mbështetje respiratore, mjekimi nuk kishte avantazhe.
Top Channel
