Përshëndetja naziste gjatë inaugurimit të Trump, Elon Musk u përgjigjet kritikëve: Jeni kaq të lodhur 21/01 12:29
Një burrë në Kaliforni është akuzuar për helmimin e tetë personave të pastrehë me një substancë të përshkruar si “dy herë më të fortë” sesa spreji me piper.
William Robert Cable, 38 vjeç, akuzohet se i ka dhënë të paktën tetë personave ushqim ku kishte hedhur oleoresin capsicum dhe pastaj i filmonte teksa ata sëmureshin. Disa nga viktimat e dyshuara kanë përfunduar në spital dhe autoritetet besojnë se i dyshuari mund të kishte shënjestruar edhe të tjerë.
Cable përballet me 19 vite burg nëse shpallet fajtor.
“Këto qenie njerëzore ranë pre e tij sepse janë më të cënueshme,” tha avokati i rrethit të Orange County Todd Spitzer.”
“Ata u shfrytëzuan dhe u helmuan si pjesë e një forme argëtimi sëmurë, dhe dhimbja e tyre u regjistrua në mënyrë që sulmuesi i tyre ta përjetonte pa pushim,” shtoi ai.
Sipas Zyrës së Prokurorit të Qarkut të Orange County, i dyshuari u afrohej personave të pambrojtur në zonën e Huntington Beach në maj dhe u ofronte atyre ushqime të spërkatura me substancën e rrezikshme. Disave u kishte thënë se do të bëheshin pjesë e një konkursi me ushqime super pikante.
Top Channel
