Fushata me “fake news” kundër Ramës/ Hetimi në Itali, i përfshirë ish senatori italian Sergio De Gregorio

Lajmi, siç u tha më vonë, ishte i rremë ndërkohë që sot, media italiane flet për një ish senator italian të arrestuar dhe lidhjen e tij shqiptare, që duket se qëndrojnë pas një skeme që kishte si qëllim rrëzimin e qeverisë shqiptare.

Sergio De Gregorio, ish senatori italian tashmë i arrestuar, në 2017, siç shkruan e përditshmja Il Fatto Quotidiano, kishte financuar aktivitetet e Ilir Kullës, një diplomat i lartë në Tiranë, i cili i kishte ngarkuar atij detyrën të organizonte një fushatë denigruese kundër qeverisë shqiptare, në tentativë për të rrëzuar qeverinë e udhëhequr nga Edi Rama.

Kulla, siç shkruan gazeta, është këshilltar politik i presidentit aktual Ilir Meta. Sipas dokumenteve të operacionit që është quajtur Planeti Itali, ish parlamentari italian që në 2008 u bë i njohur për kontributin në rënien e qeverisë Prodi, akuzohet për shantazh dhe riciklim parash. Dhe siç shkruan il Fatto Quotidiano, Kullës De Gregorio i kishte derdhur shumën prej 30 mijë eurosh.

Ilir Kulla, 46 vjeç, është një personalitet politik i njohur në Shqipëri, ekspert i sigurisë dhe analist gjeopolitik me raporte të mira me Italinë. Këshilltari politik i dy presidentëve, i Ilir Metës dhe paraardhësit të tij Rexhep Mejdani, për prokurorët italianë ai rezulton të jetë edhe mik personal i Salah El Din Kuftaro, i biri i myftiut të madh, autoriteti më i lartë fetar në Siri dhe drejtor i Abou Nour, fondacioni më i rëndësishëm islamik i Lindjes së Mesme.

Jo vetëm kaq, “duke pasur miqësi të shkëlqyera në Romë”, Kulla “ishte një nga ndërmjetësit për lirimin e dy vajzave Simona Torretta dhe Simona Pari, të rrëmbyer në Siri” në vitin 2004, shkruan Il Fatto Quotidiano.

Sipas hetimeve, 30.000 euro të paguara për Kullën ishin pjesë e një shume totale prej 55,000 eurosh që De Gregorio kishte marrë nga ana e tij si hua nga Barletta Eraldo; 25,000 euro të tjera ishin “investuar” në shndërrimin e Bar Surma, që është marrë sipas prokurorëve përmes zhvatjes ndaj pronarëve të mëparshëm.

Sipas përgjimeve, Kulla i kishte dhënë mandatin De Gregorios të organizonte përmes njohjeve të tij dhe mjeteve të komunikimit në dispozicion, një fushatë denigruese për qeverinë shqiptare, në mënyrë që të sigurohej rënia e saj. Kulla madje, sipas prokurorëve kishte shkuar në Itali pasditen e 26 shkurtit 2017 që të ndiqte personalisht çështjen.

Në kundërshtim me ish senatorin, burri përgjigjet se “Ilio (Ilir Kulla), deklaroi se ai kurrë nuk merrte para … nga ju … dhe nga askush tjetër për ju …”. “Bazuar në atë që doli nga përgjimet, Kulla i kishte dhënë një mandat De Gregorio për të organizuar, përmes njohurive të tij dhe mjeteve të komunikimit në dispozicion të tij, një fushatë shtypi përçarëse për qeverinë shqiptare, e cila do të provokonte rënien e qeverisë ”.

Madje, sipas prokurorëve, këshilltari Kulla kishte shkuar në Itali pasditen e 26 shkurtit 2017, që të ndiqte personalisht çështjen dhe kjo ka ndodhur vetëm dy ditë para se faqja Pianeta Italia News të botonte lajmin e rremë për kontenierët me mbetje toksike.

Top Channel