Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
SHBA ka deportuar të paktën 1.000 fëmijë migrantë që nga fillimi i marsit, tha Fondi i Kombeve të Bashkuara për Fëmijët (UNICEF), transmeton Anadolu Agency (AA).
Fëmijët e pashoqëruar janë kthyer në Meksikë, El Salvador, Guatemala dhe Honduras në mesin e pandemisë së koronavirusit (COVID-19), gjë që paraqet “rrezik serioz për mbrojtjen”, tha UNICEF në një deklaratë.
Drejtorja Ekzekutive e UNICEF-it, Henrietta Fore, ka shprehur shqetësime për përkeqësimin e situatës me pandeminë për fëmijët në lëvizje në rajon.
“Diskriminimi dhe sulmet tani u shtohen kërcënimeve ekzistuese si dhuna e bandave, që i ka shtyrë këta fëmijë të largohen në radhë të parë”, tha Fore.
UNICEF u bëri thirrje qeverive “t’u japin fund dëbimeve dhe deportimeve të fëmijëve të pashoqëruar ose të ndarë” dhe të ndërmarrin masa të mëtejshme për të mbrojtur “mirëqenien e fëmijëve të pambrojtur”.
Top Channel
