Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Një grup mbikqyrës i policisë britanike vendosi sot se kryeminsitri Boris Johnson nuk do të përballet me hetim kriminal për favore të veçanta ndaj një biznesmeneje amerikane gjatë kohës kur ishte kryebashkiak i Londrës.
Zyra e Standardeve të Sjelljes së Policisë kishte nisur hetimet prej shtatorit të shkuar pas raportimeve në media se Johnson, si kryebashkiak i Londrës, nuk kishte bërë publike lidhjet e tij private me Jennifer Arcuri, e cila përfitoi mijëra paundë para publike dhe udhëtime tregtare.
Megjithse fillimisht u përcaktua se “kishte një marrëdhënie intime” mes Johnson e Arcuri, zyra e hetimit tha se “nuk kishte gjetur prova se Johnson ka influencuar në pagesat e sponsorizimeve për Arcuri, apo ka influencuar që ajo të përfitonte misionet tregtare”.
Johnson ka qenë kryebashkiak i Londrës nga 2008 deri në 2016. Çështja lindi pas raportimeve në gazetën ‘Sunday Times’ se biznesit të Jennifer Arcuri i ishin dhënë në formë sponsorizimi mijëra paundë para publike nga një organizatë në varësi të Johnson, si dhe kishte akses në udhëtime tregtare bashkë me Johnson si kryebashkiak.
Top Channel
