Autoritetet me dorë të hekurt, dënohen me burg 45 nga figurat më të njohura pro-demokracisë në Hong Kong 19/11 09:24
Kreu i PD Lulzim Basha ka përfunduar takimin me aleatët, ku për mediat njoftoi dhe vendimet e marra.
Duke kujtuar marrëveshjen me Ramën e 3 viteve më parë, Basha duke e cilësuar si gabim, tha se nuk do përsëritet më.
Ndërkohë ai njoftoi se do të nisin protestat qytetare me efekt të menjëhershëm.
“Dita e sotme është një shembull i keq që vendi drejtohet nga një kriminel. Pra tre vitesh u ula me të në të mirë të vendit, por koha tregoi se u gabova, garantoj shqiptarët që ky gabim s’do përsëritet më kurrë. Do marrim hapat për të vendosur largimin e së keqes, që është Edi Rama.
Vendimi i parë mbështetja e protestave të Alenacës dhe nisja e protestave qytetare me efekt të menjëhershëm.
Aty ku u dhunua teatri u dhunuan liritë e qytetarëve. Rikthesoj angazhimin me shkrim të opozitës, që nesër në pushtet duke vënë para interesat e kombit, nisim me ndëshkimin e autorëve të kësaj ngjarjeje, nisur nga Rama.
Synimi ynë është që me këtë zemërim që e ndjenë të gjithë sot, është largimi i Ramës me votë masive. Do i bëjmë thirrje gjithë qytetarëve për protesta duke respektuar kushtet higjienike. Sot për sot është e rëndësishme të jemi përkrah të dhunuarve, atyre që s’kanë bukë, kjo është diktaturë e çarkut të bukës. Kjo do marrë një orë e më parë fund“, tha Basha.
Top Channel
