Arrestohet një 59 vjeçar nga fshati Bastar i Mesëm pasi u kap në flagrancë nga kushëriri i tij, menjëherë sapo në shtëpinë e tij ndodhi një shpërthim me lëndë plasëse.
Nga kqyrja e vendit të ngjarjes u konstatua një pjesë e dritares e dëmtuar, pikërisht në vendin ku gjatë shpërthimit po flinte Blerim Haxhiu thanë burime të gazetares Anila Hoxha.
I dyshuari që u prangos nga policia quhet Petrit Haxhiu, ndërsa në shtëpinë e tij u gjet një fitil zjarr përcjellës dhe tre kallëpe tritol.
Kallëzuesi i ka treguar policisë se autori i dyshuar është person konfliktual dhe se konsumonte shpesh alkool pasi e ka braktisur familja.
Por i dyshuari nuk e ka pranuar veprën, së paku deri më tani, ndërsa pritet të dalë para gjykatës për shkatërrim prone dhe kanosje.
Top Channel
