Lufta në Ukrainë, 8 të vrarë dhe 18 të plagosur nga sulmet ruse në Odesa 18/11 12:44
Ndërsa disa shtete kanë reaguar ndaj pandemisë Korona me masa penale për parandalimin e kësaj sëmundjeje ngjitëse, vende të tjera po përdorin fushata sensibilizuese të pazakonta për t’u rikujtuar shtetasve që të mbajnë distancën dhe të respektojnë rregullat e higjenës.
Policë të veshur si virusi Korona po patrullojnë këto ditë rrugëve të qytetit indian të Çenait. Arsyeja nuk është ndonjë sfilatë karnavalesh, ata janë pjesë e një fushate sensibilizuese për pandeminë e Koronës. Policët u kujtonë banorëve të qytetit shtatëmilionësh të mbajnë distancën dhe të respektojnë rregullat e higjienës.
Edhe ky burrë i maskuar si Yama, perëndia hinduiste e vdekjes, është një nga policët e kryeqytetit indian Delhi. Përveç maskës ai mban në duar edhe dy tullumbacë që simbolizojnë virusin Korona. Edhe ai u tërheq vëmendjen qytetarëve që të ruajnë distancën, të mbajnë maska dhe të respektojnë rregullat e shtetrrethimit.
Policë të veshur si virusë u tërheqin vëmendjen qytetarëve edhe në la paz të bolivisë duke u kërkuar atyre të ruajnë distancën dhe të respektojnë rregullat e shtetrrethimit. Kurse një furrë buke në Dresden në Gjermani ofron për klientët biskota me një emoji me maskë. Ato u kujtojnë blerësve se nuk duhet të harrojnë rregullat për mbajtjen e maskave kur hyjnë në dyqane dhe në vende të tjera të përcaktuara nga rregullat për situatën aktuale.
Top Channel
