Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani
24/11 20:58
“Të bësh këtë propozim duhet të jesh ose i çmendur ose i pashpirt”, u shpreh gjatë fjalës së tij në Kuvend, deputeti opozitar Andi Përmeti, teksa i referohej propozimit të Ilir Beqajt për uljen e pensioneve dhe pagave.
“I propozoj kryeministrit shtimin e një tjetër mase sigurie, duke falenderuar doktorët në hyrje, i propozoj që te dera të shtojë një mjek psikiatër. Koha e karantinimit është e vështirë mendërisht dhe nga salla vë re dikë që ka pasur një çrregullim dhe mendon se mbase është kohë stresi dhe ankthi për të gjithë. Pastaj e dëgjon që propozon uljen e pagave dhe pensioneve dhe ky ka ikur nga mendorja. Zoti Beqja mendoj se keni nevojë. Të bësh këtë propozim duhet të jesh ose i çmendur ose i pashpirt. Nëse e ka bërë nga mendja e tij i këshilloj që të kujdeset për shëndetin e tij”, tha Përmeti.
Fill pas deputetit reagoi Beqja, i cili për të shpjeguar propozimin e tij mori shembull dy ish-deputetë të LSI-së.
“Se cfarë unë kam shkruar mund ta lexoni, nuk jam marrë me pensionistët fare. Nuk jam marrë me pensionet, propozimi im, që pensionisti Petrit Vasili të mos marrë pension 840 mijë lekë, por 630, pse është i pamoralshëm? Që Klajda Gjosha të mos marrë 900 mijë lekë, por 670 mijë lekë pse është kriminale kjo? Të gjithë ata që janë në ballë të luftës të mos preken. Merr lexo ato që të çojnë me plagjiatura mund t’i recitosh këtu”, u kundërpërgjigj ai.
Top Channel
