A do t’i jap Trump fund luftës? Putin jep shpresë: Jam gati të rinis kontaktet me Perëndimin 07/11 22:48
Mjekët amerikanë thonë se mund të kenë parë një ndërlikim të mundshëm të infeksionit koronavirus në një fëmijë, një gjendje e rrallë inflamatore e quajtur sëmundja Kawasaki.
Shërbimi Kombëtar i Shëndetit i Britanisë dërgoi një alarm për mjekët të Dielën duke thënë se ata kishin parë raste të sëmundjes atipike Kawasaki që mund të lidhej me koronavirusin.
Një ekip në Spitalin e Fëmijëve Stanford tha që ata gjithashtu e kishin vënë re. Ata përshkruan rastin e një vajze 6 muajshe të pranuar në spital me këtë sëmundje dhe më vonë u diagnostikua edhe me koronavirus.
Çfarë është sëmundja Kawasaki? Është një sëmundje e rrallë që vërehet në fëmijëri që bën që muret e enëve të gjakut në trup të acarohen dhe mund të kufizojnë rrjedhën e gjakut në zemër. Zakonisht është e shërueshme dhe shumica e fëmijëve shërohen pa probleme serioze, por mund të jetë vdekjeprurëse.
Çfarë e shkakton atë? Askush nuk e di se çfarë e shkakton sëmundjen Kawasaki, por disa studime kanë treguar një lidhje midis viruseve ose një infeksioni bakterial.
Rasti amerikan: Fëmija fillimisht u diagnostikua me një infeksion viral, tha ekipi i Stanford dhe më vonë u testua pozitiv për Covid-19. Ditën e dytë kishte ethe dhe skuqje. Një radiografi në gjoks tregoi një njollë të vogël të bardhë në mushkërinë e saj të mesme, ekipi raportoi në revistën Hospital Pediatrics. Simptomat e foshnjës duket se ishin sëmundje Kawasaki dhe ajo u trajtua. Dy javë më pas, fëmija nuk kishte simptoma të frymëmarrjes dhe po ecën mirë./CNN
Top Channel
