Spiropali dënon sulmin në Zubin Potok: Akte terroriste! Frymëzuesit dhe shkaktarët meritojnë ndëshkimin e merituar 30/11 11:26
Sekretari i Përgjithshëm i PD-së, Gazmend Bardhi me anë të një postimi në rrjetet sociale ka reaguar rreth situatës së krijuar në Shqipëri me Covid-19 duke e krahasuar me Kosovën.
Sipas Bardhit Kosova ka 6 mijë vende të reja punë më shumë se sa para krizës së COVID-it dhe vendi ynë ka zyrtarisht të larguar apo pezulluar nga puna 66 mijë qytetarë.
Ndër të tjera, Sekretari i Përgjithshëm i PD-së thekson se këtë e shpjegon fare mirë zbatimi i paketës ekonomike që mbron vendet e punës, ekonominë familjare dhe ekonominë kombëtare nga Kosova, pothuajse një paketë të njëjtë me atë që propozoi Partia Demokratike që në fillim të krizës COVID.
Reagimi i Bardhit:
Kosova na tregon sa e paaftë, e korruptuar dhe dështake është qeveria e Edi Ramës. Në thelb të veprimeve të saj në këto 2 muaj nuk ka qenë mirëqenia e qytetarit, por ajo e klientëve dhe oligarkëve.
Ndryshimi thelbësor është se Kosova sot ka 6 mijë vende të reja punë më shumë sesa para krizës së COVID-it. Shqipëria ka pranuar zyrtarisht si të larguar apo pezulluar nga puna 66 mijë qytetarë.
Çfarë e shpjegon këtë ndryshim kaq të madh?
Përgjigja është fare e thjeshtë: Kosova zbatoi një paketë ekonomike që mbron vendet e punës, ekonominë familjare dhe ekonominë kombëtare, pothuajse një paketë të njëjtë me atë që propozoi Partia Demokratike që në fillim të krizës COVID.
- Kosova mbuloi shpenzimet e bizneseve për pagat mujore minimale.
- Subvencionoi për dy muaj gjysmën e qerasë për biznesin e vogël;
- Mbuloi vlerën e kontributeve të sigurimeve shoqërore për dy muaj.
Shqipëria nuk bëri asnjë nga këto masa mbështetëse.
- Kosova jo vetëm ruajti vendet e punës që kishte, por i shtoi ato, duke nxitur kompanitë me bonuse prej 130 euro në muaj për çdo punëtor të regjistruar me kontratë të paktën 1 vit.
Ndryshimi është si nata me ditën. Në Kosovë qeveria vendosi të parin interesin e qytetarëve. Ndërsa në Shqipëri, Edi Rama vendosi të parin interesin e 10 oligarkëve. 66 mijë punonjës të larguar e të pezulluar dhe mbi 60 milionë euro për beton dhe tendera luksi e dëshmojnë këtë.
Paratë janë. Mjafton që Edi Rama të ndalë korrupsionin me tendera dhe të anullojë koncesionet korruptive. Qytetarët kanë nevojë për mbështetje, jo për propagandë e justifikime bajate të regjimit të facebook-ut.
Top Channel
