Brenda urgjencës infektive në Krujë…
25/04/2020 19:09
Zbardhet dëshmia e 14-vjeçarit që vrau me thikë Martin Canin: U zumë sepse po më shikonte 20/11 09:46
Kruja është kthyer momentalisht në shqetësimin kryesor të epidemiologëve, sepse vetëm gjatë 24 orëve të fundit janë shënuar 18 raste të reja, duke e çuar numrin e të prekurve në total në 83. Ndërsa rasti i parë me koronavirus në Krujë, sipas një përllogaritje te thjeshtë, është shfaqur më 25 mars. E pikërisht pas një muaji po kulmon shpërthimi i rasteve të reja të cilat kanë qenë kontakte të afërta me punonjësit e fasonerivë që janë konsideruar si vatrat e CoVidit. Kjo si pasojë e transmetimit zinxhir të virusit dhe mosrespektimit të masave mbrojtëse.
Për këtë arsye nga 27 fasoneri që ndodhen në qytet, 21 janë mbyllur e 6 prej tyre janë gjobitur për mosrespektim të masave mbrojtëse.
“Fasoneritë ndoshta u mbyllën pak me vonesë ca, të ishte bërë ndoshta më para. Mirëpo njerëzit duan të hanë. Shumica e grave të Krujës aty punojnë. Edhe madje një pjesë e madhe e tyre mbajnë shtëpinë, se s’ka burrat janë të papunë”
Masat në spitalin e Krujës “Stefan Gjoni” janë shtuar. Duke qenë se numri i rasteve me CoVid 19 është rritur.
Në rastet kur pacienti që paraqitet në urgjencë ka simptoma do të izolohet në dhomën e përkohshme të karantinimit për tu testuar më tej. Dhe në gjurmim të personave me CoVid-19 të koordinuar me qendrën kombëtare të urgjencës, sic njihet 127, është edhe infermieri Ermal Kaloshi .
/Kristi Gongo/
Top Channel
