Zgjimi në orën 5 të mëngjesit trend produktiviteti apo mit? Çfarë thotë shkenca për kronotipet 04/03 19:05
Pas performancës në shoun “Bashkë në shtëpi”, Rolling Stones, kthehen protagonistë dhe publikojnë papritur një singëll të ri, “Të jetosh në një qytet fantazëm”, i pari në tetë vite.
Një këngë profetike sepse në fakt nuk është krijuar këto ditë izolimi, me qytetet e shkretuara për shkak të pandemisë së koronavirusit, por që i takon vitit të kaluar.
Siç ka shpjeguar Mick Jagger në instagram: nuk është shkruar tani por i përshtatet situatës që po jetojmë. Është historia e një vendi plot jetë që kthehet në një vend ku nuk ka më asgjë…një qytet fantazmë.
Jeta ishte kaq e mrekullueshme para se të mbylleshin të gjithë, ndjehemi si fantazma që jetojnë në një qytet fantazmë – këndon Mick Jagger, i pasuar nga Keith Richards. Kënga është shkruar dhe masterizuar në 2019 kur punohej në Los Angeles dhe Londër, për albumin e ri, i pari që nga 2005. Dhe në fakt, grupi kishte menduar që kjo këngë të ruhej për një album të ri, por më pas, ndodhi e gjithë kjo, dhe menduan që kënga të përfundohej dhe të publikohej…
Dhe kënga është shoqëruar me një video me pasojat e izolimit në shumë kryeqytete të botës, nga Londra në Kyoto e Los Angeles, mes rrugëve të zbrazura dhe stacioneve të shkretuara të metrove.
Top Channel
