KRUJË- Qyteti i Krujës është kthyer në një nga vatrat më të nxehta të shpërthimit të Covid-19 ku deri më tani janë shënuar 65 raste të infektuar.
Së fundmi ministrja e Shëndetësisë Ogerta Manastirliu i ka dedikuar një status në rrjetet sociale spitalit të Krujës ku edhe në këto ditë të vështira në përballjen me Covid-19 në këtë zonë, ekipet mjekësore nuk e kanë ndalur punën në asnjë moment.
Manastirliu shkruan se në këtë spital ka ardhur në jetë një bebe i quajtur Joel ndërsa falenderon mjekët që janë kujdesur dhe po kujdesën për personat në nevojë në spitalin e Krujës.
Ndërkohë Manastirliu shkruan se nga 1 Janari, 8285 të porsalindur kanë përfituar bonusin e bebes.
“Joeli ka ardhur në jetë pak orë më parë në spitalin e #Krujës, ku edhe në këto ditë të vështira në përballjen me #COVID19 në këtë zonë, ekipet mjekësore nuk e kanë ndalur punën në asnjë moment??
Faleminderit dr. Faik Bardhi, dr. Rovena Tali, infermieret Lina Bega, Denisa Vathi dhe të gjithë ekipit të spitalit të Krujës për punën e palodhur!
Nga 1 Janari, 8285 të porsalindur kanë përfituar bonusin e bebes?
Top Channel
