Së fundmi në rrjet ka qarkulluar një lajm ku thuhej që Lulzim Basha nuk mund të udhëtojë drejt Shteteve të Bashkuara të Amerikës. I ftuar në Open në Top Channel, Basha u përgjigj edhe këtyre akuzave duke i quajtur një mashtim dhe gënjeshtër e Partisë Socialiste.
Së fundmi në rrjet ka qarkulluar një lajm ku thuhet se ju nuk mund të udhëtoni drejt SHBA-së, sa e vërtetë është?- e pyeti Eni Vasili.
“Mediat dhe PS vazhdojnë zanatin e vjetër të gënjeshtrave e mashtrimeve, në vend të merren me njerëz që kanë mbetur pa bukë, me familjet në nevojë ekstreme, vazhdojnë të shpifin e sulmojnë opozitën.
Më vjen keq që kanë rënë në këtë nivel që nga mëngjesi e deri në darkë merren me opoziten e kryetarit te PD. Kjo tregon çfarë janë prioritet e Edi Ramës, obsesioni i vetëm është të sulmojë kryetarin e opozitës pastaj thotë edhe ndonjë fjalë si për të larë gojën që jemi për bashkëpunim.
E qarkullojnë sa herë janë në vështirësi, sa herë që nuk paguajnë çfarë i kanë premtuar shqiptarëve, sa herë u plasin skandale si ajo e Bild, besoj e keni marrë vesh që është tërhequr nga padia që i ka bërë Bild që publikoi skandalin e vjedhjes së votave, në mes të kësaj pandemie është tërhequr tërheqja vërteton që qeveria është produkt i një palë zgjedhjeve me vota të vjedhura në bashkëpunim me krimin. Sa herë kapet në skandal e në pamundësi për të përballuar situata si kjo tani,sulmojnë opozitën me gënjeshtra, mashtrime e trillime”- tha Basha.
Top Channel
