MADRID- Dy burra shqiptarë u arrestuan pasi përplasën një makinë në brendësi të Terminalit 1 të aeroportit të Barcelonës gjatë mëngjesit të së premtes duke bërë thirrje islamike.
Aeroporti i Barcelonës është gati bosh, siç janë aeroportet në të gjithë Spanjën, për shkak të një bllokimi të pjesshëm të imponuar për të luftuar epideminë e koronavirusit.
Skuadra e policisë Tedax konfirmoi se nuk kishte eksploziv në makinë pavarësisht dyshimeve.
Policia rajonale ka publikuar një foto të një makine gri brenda terminalit, me të gjitha dyert e saj të hapura dhe dy oficerë, një me një qen, duke e kontrolluar atë.
“Kur u arrestuan, ata bënë një deklaratë të tipit islamik dhe ne nuk e dimë ende se cili ishte qëllimi i tyre,” tha shefi i policisë rajonal Eduard Sallent për një konferencë për shtyp.
Në gusht të vitit 2017, disa radikalë islamistë përdorën një furgon për të goditur këmbësorët në Barcelonën qendrore, duke vrarë 16 persona.
Top Channel
