Mjekja zbulon: 3 të infektuar në gjendje të rëndë

E ndaluar nga masat e qeverisë që në studio të ketë shumë të ftuar, për Open bëri një lidhje live mjekja infektologe në QSUT,Entela Ramosacaj e cila tha se doktorët kanë një veshje speciale për të takuar të infektuarit.

“Kemi 3 persona në gjendje të rëndë por theksoj se asnjëri prej tyre nuk është i intubuar. Kemi një veshje special. Një kostum i papërcjellshëm, kemi syzet dhe kemi maskat me karbon“ – tha mjekja.

Edhe mjeku epidemiolog, Ilir Alimehmeti foli në Open në Top Channel me anë të një lidhje skype ku tregoi shkallën e rrezikshmërisë së virusit vdekjeprurës.

‘Ka studime që tregojnë se me rritje e temperaturave ulet mundësia e infektimit të shumë personave.  Por nuk është vetëm temperature që ka ndikim. Janë masat e marra një faktor shumë i rëndësishëm.

Kjo mund të zgjasë dhe Britania ka marrë një vendim që duket afatgjatë. Në Britani, kur mbushen spitalet kthehet izolimi- tha mjeku i njohur.

Top Channel