“Do të ishte veprim i zgjuar nëse largohet”, Trump paralajmëron Maduron: Nëse do të luaj ashpër… 23/12 08:45
Një 77 vjeçar në Los Angeles të Shteteve të Bashkuara të Amerikës, detyrohet të veshë një pulover ku shkruhet “Nuk jam Bernie” kur del në rrugë, sepse të gjithë e ngatërrojnë me Bernie Sanders, një prej kandidatëve kryesore për të marrë nominimin e partisë Demokratike e për t`u përballur me Presidentin Donald Trump në zgjedhjet presidenciale të nëntorit. Jeff Jones thotë se që kur Sanders u shfaq në skenën politike të vendit, jeta e tij e qetë është trazuar.
Njerëzit më ndalojnë në rrugë, e kjo po bëhet e lodhshme. Ishte vajza ime e vogël ajo që doli me idenë ta shkruaja në bluzë që nuk jam Bernie.
Jeff ndërkohë është simpatizant i Berniet, e ka marrë pjesë dhe në tubime të tij, madje nuk e ka pasur problem të bëjë dhe foto me votuesit. Por kërkon ta bëjë të qartë që në fillim se nuk është senatori I njohur democrat, në mënyrë që dhe njerëzit të mos ngatërrohen.
Unë vetë jam fans i Berniet. Më duket sikur ai i elektrizon pak gjërat, në një kohë kur atmosfera politike në këtë vend ka qenë e zymtë prej vitesh tashmë.
Jones thotë se do të votojë për Sanders në zgjedhjet paraprake të 3 marsit në Kaliforni, dhe se shpreson t`ia japë votën edhe në muajin nëntor.
Top Channel
