Dezertori rus tregon sekretet e bazave bërthamore të Putinit: Ditën që nisi pushtimi i Ukrainës na tha se… 26/11 11:52
Gruaja e kryeministrit të Lesotho do të akuzohet për vrasjen e gruas së tij të mëparshme.
Zonja e Parë Maesaiah Thabane u dorëzua për t’u marrë në pyetje nga policia në mbretërinë malore të Afrikës Jugore.
Kryeministri Thomas Thabane është marrë në pyetje për vrasjen gjithashtu.
Ish-gruaja e tij, Lipolelo Thabane, u qëllua për vdekje para shtëpisë së saj në kryeqytetin Maseru dy ditë para inaugurimit të tij në 2017.
Theifti ishin përfshirë në procese divorci në atë kohë.
Për sulmin fillimisht u fajësuan njerëz të armatosur të panjohur, por dokumentet e fundit gjyqësore të paraqitura nga komisari i policisë së vendit, Holomo Molibeli, kanë ngritur pyetje të mëtejshme.
Një urdhër-arresti u dha për 42-vjeçaren Maesaiah Thabane më 10 janar pasi ajo u zhduk.
Ajo u rikthye në atdhe ditën e sotme pas një marrëveshje me Afrikën e Jugut, ku edhe ishte arratisur.
Komisioneri i policisë Holomo Molibeli i tha BBC-së se ajo po mbahej në arrest dhe do të akuzohej zyrtarisht në gjykatë të Mërkurën.
Tetë persona të tjerë në Lesotho dhe Afrikën e Jugut gjithashtu thuhet se po përballen me akuza për vrasjen.
Top Channel
