Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Janari i këtij viti është shpallur më i nxehti në historinë e kryeqytetit rus, ka thënë shërbimi shtetëror për motin, teksa ndryshimet klimatike nxisin rritje të temperaturave.
“Temperatura mesatare e regjistruar në Moskë në muajin janar ka qenë rreth zero gradë Celsius”, tha meteorologia, Lyudmila Parshina.
Ajo u shpreh se temperatura mesatare e janarit ka qenë 9.3 gradë Celsius më e madhe në krahasim me temperaturën mesatare të Moskës.
Megjithatë, Parshina nuk ka pranuar të deklarojë nëse rekordi i fundit është i lidhur me ndryshimet klimatike. Temperaturat e motit janë regjistruar në Moskë nga viti 1879, ndërsa në gjithë Rusinë nga viti 1891.
Zyrtarë për motin po ashtu kanë thënë se përgjatë janarit bora në Moskë ka arritur në shtatë centimetra në krahasim me mesataren prej 32 centimetrave. E njohur për dimra tejet të ftohtë, Moska është përballur edhe me dhjetorin më të nxehtë në shekull.
Viti 2019 po ashtu ka qenë viti më i nxehtë ndonjëherë i regjistruar në Rusi./Radio Evropa e Lirë
Top Channel
