Dhjetëra mijëra protestojnë në Barcelonë për krizën e strehimit dhe qiratë e larta (fotot)
25/11 17:12
Qeveria e koalicionit norvegjez u rrëzua ditën e sotme pasi partia e djathtë populiste ”Progres” u tërhoq për shkak të riatdhesimit nga Siria të një mbështetëseje të dyshuar të terrorizmit.
Kreu i partisë ”Progres”, Siv Jensen njoftoi vendimin pasi diskutoi me udhëheqjen e partisë së saj dhe kryeministren Erna Solberg.
Përkrahësja e dyshuar i Shtetit Islamik, një grua e lindur në Pakistan, u riatdhesua të premten e kaluar, së bashku me dy fëmijët e saj.
“Ne mund të kemi mirëpritur fëmijët, por nuk bëjmë kompromis me njerëzit që marrin pjesë në organizata terroriste”, tha Jensen në një konferencë për shtyp.
Qeveria miratoi riatdhesimin e të treve nga kampi i refugjatëve al-Hol, të kontrolluar nga kurdët në Siri në tetor, duke vepruar në bazë të informacionit se një nga fëmijët ishte shumë i sëmurë.
Top Channel
