Hezbollahu sulmon Izraelin me 250 raketa dhe predha! 24/11 20:21
Vendimi i kupolës mbretërore për të ardhmen e princit Harry dhe gruas së tij amerikane Megan Markel, edhe pse jo i ngjashëm me abrogimin e fronit nga ish Mbreti Eduart i VIII pas martesës së tij me amerikanen dy herë e divorcuar, Ëallis Simpson në 1936, po cilësohet si një abrogim i përgjegjësive mbretërore nga çifti princëror.
Mospërdorimi i titujve mbrëtërorë, ndërprerja e fondeve nga fondi i taksapaguesve britanik dhe shlyerja e shpenzimeve për rinovimin e vilës mbretërore, dhuratë nga Mbretresha Elisbet, për nipin e saj të vogël, në vlerën e 2.4 milionë sterlinave, duket se është në sintoni me sentimentin e publikut britanik pas vendimit shokues të çifitit për një jetë të pavarur financiare dhe jashtë familjes mbretërore si deri më sot.
Princi Harry dhe gruaja e tij Megan, shokuan Britaninë dhe më gjerë, me njoftimin për tu shpërngulur dhe për të jetuar në Amerikën e Veriut, ose më saktë në Kanada, për disa vjet, dhe siç spekullohet më pas në Amerikë, por jo për sa kohë Donald Trump, është president i Amerikës.
Presioni mediatik, disa nëntone raciste në pasqyrimin e jetës së gruas së tij amerikane, dukshëm nuk gjejnë mbështetjen totale të publikut britanik, ku egoizmi, sipas disave, dhe dëshira për një jetë të pavarur sipas një pjesë tjetër të opinionit, është konsideruar si shuplake ndaj familjes mbretërore dhe braktisje nga princi për babin e tij, djalin e madh të Mbretëreshës, Princin Charles dhe vëllain e madh Uilliam i cili mendohet se do të jetë Mbreti i ardhshëm i Anglisë.
Vendimi i samitit mbretëror, për të akomoduar dëshirën e çiftit mbretëror për të mbijetuar jashtë ombrellës së Monarkisë, lë të hapur opsionin nëse Princi Harry dhe Megan Markel, do mund të kenë të njëjtin mbulim mediatik, si deri më sot, apo më shumë apo me pak, si dhe të njëjtin vend në zemrat e mbështetësve të Monarkisë në Britani dhe më gjerë në botë.
Një gjë është mese e sigurt, që nipi “planprishës”, i Mbretëreshës së Anglisë, do mund të mbijetojë shumë lehtësisht finaciarisht, madje, mund të ketë më shumë të ardhura nga jeta jashtë mbretërore, duke filluar nga pranvera që po vjen.
Top Channel
