Përdhunoi dhe sulmoi fizikisht një grua në një dhomë hoteli, Conor McGregor vendoset përpara drejtësisë 22/11 18:35
Me tone të larta e ka nisur Lulzim Basha konferencën për shtyp pas marrëveshjes së arritur me Edi Ramën për të nisur dialogun për reformën zgjedhore.
Kritika të shumta janë drejtuar ndaj Bashës pas vendimit të bërë publik dje, ndërkohë që kryeopozitari theksoi sot se “procesi që do të nisim ka vetëm një qëllim, të rikthejë lirinë e votës”.
Basha tha se kjo betejë nuk bëhet për karrige, pasi edhe mandatet parlamentare që u dogjën kishin për qëllim ndërgjegjësimin e Përëndimit për autokracinë që, sipas tij, i kanoset Shqipërisë.
“Kjo betejë nuk bëhet as për karriget tona, as për fatet tona politike. Mandatet i dogjëm për t’i treguar botës se këtu demokracia është në grahmat e fundit. Këto veprime kishin për qëllim vetëdijësimin e Perëndimit se Shqipëria ka nevojë për vëmendje dhe ndihmë për të ndaluar rënien në autokraci”, tha kreu i PD-së.
Gjithsesi, Basha përsëriti qëndrimin e opozitës për largimin e Qeverisë së Ramës nëpërmjet zgjedhjeve të parakohshme.
“Ky është vetëm fillimi i një beteje që do të përfundojë vetëm atëherë kur të kemi një Parlament të dalë nga votat e qytetarëve. Për opozitën objektivi është i qartë largimi i kësaj qeverie nëpërmjet zgjedhjeve të prakohshme”, tha Basha.
Top Channel
