Për Voskopojën bora mbetet një prej elementeve më atraktivë. Kanë mjaftuar vetëm pak cm borë që në këtë fshat të dynden turistë nga gjithë qytetet e Shqipërisë dhe jo vetëm.
Për të gjithë ata që zgjedhin Voskopojën në fundjavë ky fshat ofron shumë jo vetëm peisazhe të mrekullueshme të zbardhura nga dëbora por edhe kulturën e kulinarin e veçantë që janë gjithmonë tërheqja kryesore për ta.
“Është një fshat i mrekullueshëm, kisha, qendra, dëbora është e mrekullueshme. Është hera e parë që vij këtu dhe shoh dëborën në Shqipëri. U kënaqëm shumë, është vendi ideal për ta vizituar me fëmijët”, tha një vajzë.
Natyra, kultura dhe historia ndërthuren me njëra tjetrën në Voskopojë, duke e bërë këtë vend një destinacion të preferuar turistik përgjatë gjithë vitit.
Në lartësinë e e 1160 metrave mbi nivelin e detit e mbuluar gjatë dimrit me dëborë, kjo është dhe një zonë e mirë për të apasionuarit pas turizmit të bardhë.
Top Channel
