Masa “detyrim paraqitje” pa marrë autorizim nga Kuvendi, Kushtetuesja rrëzon Berishën: Nuk prek funksionin si deputet
21/11 22:17
Një burrë është qëlluar për vdekje në prag të Krishtlindjes para familjes së tij – ndërsa ata u kthyen në shtëpi nga një natë jashtë – ben te ditur policia.
Sipas mediave britanike, bëhet fjalë për Flamur “Alex” Beqiri me nënshtetësi suedeze i cili është vrarë rreth orës 9 të mbrëmjes në Battersea, në jug-perëndim të Londrës, ka thënë policia metropolitane. Siç thuhet më tej, policia u thirr pas raportimeve për të shtëna, por Beqiri u deklarua i vdekur në vendngjarje. Dokumentet suedeze kanë treguar se Beqiri u transferua në Mbretërinë e Bashkuar në vitin 2016, njoftoi Mail Online. Mëson se viktima që në Battersea u qëllua për vdekje me armë zjarri, është nga Ferizaj. Scotland Yard ka bërë apel për informacione rreth vdekjes së Beqirit, bashkëthemeluesi i një kompanie regjistrimesh muzikore. Jamie Stevenson tha: “Hetimi ynë është në fazat e hershme dhe ne jemi ende duke punuar për të përcaktuar se cili mund të jetë motivi që ka çuar në humbjen e një jete në një mënyrë kaq të tmerrshme, në prag të Krishtlindjes, para familjes së tij”. “Ata janë shkatërruar nga kjo ngjarje e tmerrshme dhe janë mbështetur nga oficerë të specializuar”. “Ne e dimë se viktima po kthehej në shtëpi me gruan dhe fëmijën e tij të ri pas një mbrëmje, kur ai u qëllua vetëm oborre nga shtëpia e tij”. Vdekja e Beqirit besohet të jetë vrasja e 142-të në Londër në vitin 2019, numri më i lartë në një vit kalendarik që nga viti 2008. Stevenson kërkoi nga kushdo që ka parë dikë që po largohej nga vendi i ngjarjes para sulmit të kontaktonte policinë. Njerëzit që jetonin pranë vendit të të shtënave kishin përshkruar të shtëna me armë të dëgjuara të ndjekura nga një grua që bërtiste “në mënyrë të dëshpëruar” për ndihmë.
Top Channel
