Demaskohet mashtruesi ndërkombëtar që zhvati 4 gra gjatë ‘marrëdhënieve serioze’ (fotot)
22/11 16:22
Estonezët gjithmonë i janë drejtuar pyjeve për të prerë pemët e Krishtlindjeve, por këto ditë ndoshta do ta bëjnë me një smartphone në duar.
Ndërmarrja shtetërore e pyjeve në Estoni, një vend ku pothuajse të gjitha shërbimet qeveritare janë të disponueshme në internet, ka lançuar një aplikacion telefonik, i cili i lejon njerëzve të kërkojnë pemët e tyre dhe të paguajnë për to.
“Është një ndjenjë e bukur të sjellësh pemën tënde nga pylli,” tha Katrin Sagur, e cila shkoi bashkë me të shoqin dhe fëmijët që të zgjidhnin një pemë Krishtlindjesh duke përdorur aplikacionin popullor i cili gjendet në tre gjuhë, atë estoneze, ruse dhe angleze.
Ky aplikacion i drejton njerëzit në mënyrë të tillë që ta kërkojnë bredhin e festave në një zonë e cila nuk është shpallur e mbrojtur nga autoritetet, dhe ku nuk ka rreziqe si për shembull, nga ndonjë kabëll elektrik.
Të interesuarit, pagesën mund të bëjnë përmes telefonit dhe pemët t`i presin vetë. Kjo është një traditë që në Estoni, ndiqet që prej vitit 2008, vetëm se tani, falë teknologjisë, është modernizuar.
Kur u krijua në fillim, ndaj aplikacionit pati kritika nga përdorues që thanë se nuk ofronte sqarimet e duhura per gjetjen e një peme të përshtatshme, ndaj në variantin e vet të fundit, ai është përmirësuar.
Top Channel
