Ministri në detyrë i Financave, Bedri Hamza ka ndarë 20 mijë euro për familjet e Shemsedin dhe Isa Abazi nga fshati Livoçë i Gjilanit që humbën jetën si pasojë e tërmetit në Shqipëri.
“Ministri i Financave Bedri Hamza me qëllim të ofrimit të ndihmës materiale për familjet e viktimave të cilat pësuan nga tërmeti në Durrës, duke u bazuar në kompetencat e tij ligjore si Ministër i financave në vështrim të paragrafit 3 të Ligjit të Menaxhimit të Financave Publike dhe Përgjegjësitë (LMFPP) dhe paragrafit 2 të nenit 14 të Ligjit nr. 06/L-133 mbi ndarjet buxhetore për Buxhetin e Republikës së Kosovës për vitin 2019, sot ka marrë vendim që të ndihmojë në total me shumën 20,000 Euro, duke ndarë nga 10,000 Euro për familje të viktimave të shkaktuara nga tërmeti, Shemsedin dhe Isa Abazi nga fshati Livoçë Komuna e Gjilanit”, thuhet në një njoftim të Ministrisë së Financave.
Top Channel
