“Ka një dramë e një komedi për mësuesin”, intervista e veçantë e Artan Fugës në “Top Story”: Kemi një “tradhti” të elitave 25/11 23:02
Gazment Bardhi, Sekretar i Përgjithshëm i PD, ka reaguar kundër kryeministrit Edi Rama duke e akuzuar se mbron trafikantë, përdhunues dhe vrasës.
Duke iu referuar deklaratës së Ramës për ngjarjen e Shkozetit, për të cilën u shpreh se “do t’i nxjerrim “ujë të zi” foleve të krimit e prokurorëve të inkriminuar”, Bardhi shkruan se kryeministri “po u nxjerr ujët e zi vetëm qytetarëve të zakonshëm”.
Reagimi i plotë i Bardhit
Kush e ka penguar Edi Ramen t’i nxjerrë ujët e zi, Elvis Roshit, Arben Ndokës, Arben e Mark Frrokut? Ai i mbrojti ata, edhe kur u faktua botërisht se ishin trafikantë, përdhunues, vrasës.
Kush e ka penguar Edi Ramen t’i nxjerrë ujët e zi Tom Doshit e Vangjush Dakos, që janë në listën e zezë të SHBA, por sot, njërit i ka dorëzuar pushtetin në Shkodër, tjetrit në Durrës.
Kush e pengoi Edi Ramen t’i nxjerrë ujët e zi Valdrin Pjetrit, Agim Kajmakut e Mark Babanit që i kandidoi në votimet e 30 Qershorit dhe i mbrojti deri në fund?!
Kush e detyroi Edi Ramen ta mbrojë Rrahman Rrajen dhe bandën e tij, që kërcënon, dhunon, vjedh, por për ta drejtësia nuk ekziston, sepse ata sigurojnë pushtetin e Edi Ramës.
Edi Ramen e solli dhe e mban në pushtet krimi, prandaj pas çdo krimi qëndron një përfaqësues i Rilindjes.
Edi Rama po u nxjerr ujët e zi vetëm qytetarëve të zakonshëm.
Që kriminelët të shkojnë pas hekurave, që korrupsioni të mos gllabërojë çdo pasuri të këtij vendi duhet të largohet Edi Rama dhe të japë llogari para drejtësisë.
Kryetar i organizatës KÇK është sot Edi Rama.
Top Channel
