Një aksident ka ndodhur mëngjesin e sotëm në vendin e quajtur Qafë Qele në Pukë.
Burrë e grua, të cilët po udhëtonin me motor, janë përplasur nga një makinë. Ata mësohet se kanë marrë dëmtime, por gjëndja shëndetësore paraqitet e stabilizuar.
Për shkak të distancës së largët u bë e vështirë për ambulancën të arrinte me shpejtësi në vendin e ngjarjes.
Njoftimi i policisë
Më datë 04.11.2019, ora 07:45, në aksin rrugor Vau Dejës – Pukë, në fshatin Çafë-Laç, Vau Dejës, mjeti tip Volkswagen, me drejtues shtetasin F. M. 52 vjeç, banues në Pukë, është përplasur me motorin tip Shineray, për pasojë kanë mbetur të dëmtuar drejtuesi dhe pasagjeri i motorit, shtetasit G. A. rreth 60 vjeç dhe V. L. 52 vjeçe, të cilët u dërguan në Spitalin Rajonal Shkodër, nën kujdesin e mjekëve.
Drejtuesi i mjetit F. M. do shoqërohet në ambjentet e D. V. P. Shkodër për veprime të mëtejshme
Në vendngjarje po kryhen veprimet me grup hetimor për sqarimin e rrethanave të aksidentit.
Top Channel
