“Minim i të ardhmes demokratike dhe euroatlantike të Gjeorgjisë dhe veprimeve pro Federatës Ruse”/ SHBA vendos sanksione ndaj ish-Kryeministrit gjeorgjian 27/12 19:47
Sipas familjarëve, grupi i emigrantëve që është vënë në lëvizje nga trafikantët ka qenë rreth 100 në total, dhe veç këtij kanë qenë dhe dy kamionë të tjerë.
Kamioni i tretë, ai që mbante emigrantët, u vonua shumë në krahasim me të tjerët dhe nuk e përfundoi udhëtimin.
Policia nuk e ka ende idenë se cilët janë kamionët e tjerë e se ku kanë zbritur.
Ndërkohë që policia angleze nuk ka dhënë ende informacione për identitetin e viktimave, disa familjarë vietnamezë, të cilët shpresonin deri në fund që familjarët e tyre të ishin ende gjallë, kanë parë trafikantët t’u kthejnë mbrapsht paratë që u kanë marrë për rrugëtimin, gjë që ua ka hequr të gjitha shpresat.
Ndërsa kjo bashkëshorte ka mbledhur 13 mijë euro në Vietnam dhe ia kishte dhënë të shoqit që punonte në Europë. Hoang Thi Thuong thotë se tani nuk ka më shpresa për të shoqin, teksa përqafon djalin e vogël.
Bashkëshorti i saj kishte punuar në mënyrë të paligjshme në Rumani e Gjermani, para se të humbiste punën. Kjo e kishte detyruar t’i kërkonte gruas të mblidhte 13 mijë euro te të afërmit për të nisur udhëtimin drejt Britanisë, ku shpresonte të gjente punë.
“I humba të gjitha kontaktet me të që nga 21 tetori”, tha gruaja për Rojters. “Tani jam pa shpresa, me një borxh të madh për të paguar, dhe pa asnjë energji për të vepruar”.
Aj.P
Top Channel
Top News – Spiropali bën bilancet e vitit. Kryeparlamentarja: Krijuam mundësinë e votës së diasporës
Top News – Murtaja afrikane e derrave prek Lezhën. Ndalohet shitja në tregje, kontrolle në çdo fermë
