Në Universitetin “Ismail Qemali” të Vlorës nuk ka studentë për degët kimi, fizikë dhe gjuhë italiane. Ndër programet më të kërkuara është infermieria, ku dhe janë plotësuar kuotat.
“Departamenti i drejtësisë është plotësuar më studentë, po ashtu dhe inxhinieritë si ajo eleketrike, mekanike dhe navale”, thotë Roland Zisi, rektor i universitetit.
Sipas rektorit, zhvillimet demografike si ulja e lindshmërisë apo emigracioni dhe kërkesat e tregut kanë bërë që për disa programe të mos ketë më kërkesa.
“Programet e fizikës, kimisë por dhe gjuhës së huaj, italishtes, për vitin akademik 2019-2020 nuk ka të regjistruar asnjë student”, thotë Zisi.
Gjashtë mijë të rinj vazhdojnë studimet në Univeristetin “Ismail Qemali” në Vlorë.
Mikel Marsi
Top Channel
