Analiza/ Çfarë pasojash ka urdhër-arresti kundër Netanyahut? 23/11 08:00
Presidenti i Komisionit Evropian, Jean-Claude Juncker tha sot se Brexit ishte një “humbje kohe dhe energjie” dhe ishte i pakënaqur që ai nuk mund të përdorte mandatin e tij pesëvjeçar në një masë më të madhe për të përparuar Bashkimin në shërbim të qytetarëve.
Juncker u tha eurodeputetëve në Strasburg se ky institucion mund të aprovonte vetëm një marrëveshje të bërë me Londrën javën e kaluar pasi që dokumenti të marrë konfirmimin në Parlamentin britanik.
“Tani kemi nevojë të monitorojmë zhvillimet në Westminster shumë nga afër, por kjo nuk është e mundur, është e imagjinueshme që ky Parlament të ratifikojë marrëveshjen përpara se Westminster ta bëjë këtë. Së pari Londra, pastaj Brukseli dhe Strasburgu ”, tha Juncker.
Ai ka thënë se i vjen keq për vendimin e Britanisë së Madhe për t’u larguar nga BE, e cila u vendos me një referendum para tre vjet e gjysmë.
Ndërsa, presidenti i Këshillit Evropian Donald Tusk u tha eurodeputetëve se ai po zhvillonte bisedime me kryeministrin britanik Boris Johnson për një kërkesë për të zgjatur afatin e Brexit pas 31 tetorit, si dhe me drejtuesit e 27 vendeve të Unionit, dhe do të marrë një vendim “në ditët në vijim”.
“Brexit pa marrëveshje nuk do të jetë kurrë vendimi ynë,” porositi Tusk, transmeton KosovaPress.
Top Channel
