Opozitari i majtë Orsi fiton presidencën në Uruguai (fotot)
25/11 18:33
Në pamje të parë mund të duket e vështirë, por gazetarja e CBS News, Holly Williams ka hyrë disa herë në kampin e Al Hol-it, në veri të Sirisë ku mbahen të afërm e mbështetës të ISIS-it.
Ndonëse videon e saj më të fundit e nis me deklaratën e fortë të disa femrave të mbuluara kokë e këmbë se janë një “minë me sahat”, që mund të shpërthejnë në çdo kohë, intervistat e mëtejshme tregojnë se shumë prej grave në kamp janë penduar për veprimet e tyre e duan të kthehen në shtëpi. Al Hol-i është pikërisht kampi ku ndodhet dhe Alvini, djali 11-vjeçar, të cilin e ëma mori me vete përpara 5 vitesh nga Italia, dhe ai ati vetëm tani arriti ta zbulonte se ku ndodhej, falë emisionit të famshëm investigativ Le Iene.
Investigimi i Le Iene/ 11-vjeçari shqiptar i bllokuar në kampet e ISIS
Përveç tij, në këtë kamp ka dhe fëmijë të tjerë shqiptarë. Gratë e intervistuara nga Williams rrëfejnë se ndjekësit e linjës së ashpër të ISIS-it kanë kërcënuar t’ua djegin tendat gjatë natës. “Ata ende e adhurojnë shtetin islamik”, shprehen ato. Gazetarja zbulon se gratë aty janë të ndara, një pjesë që kërkon dëshpërimisht të kthehet në shtëpi, dhe të tjera që këmbëngulin të qëndrojnë sepse siç thonë, kanë shkuar atje që të jetojnë sipas ligjit islamik.
“ISIS-in disa këtu e kanë idhull. E admirojnë shumë, ndërsa ne duam të kthehemi”, shprehet një grua në kamp.
“Ne do të qëndrojmë, dhe do të pranojmë çdo ndëshkim që Allahu do të dërgojë”, shprehet një tjetër.
Jeta në kamp është mirëorganizuar, gati si në një qytet të vërtetë. Mbi 10 mijë të huaj jetojnë këtu, shpjegon reporterja, pjesa dërrmuese gra dhe fëmijë të luftëtarëve të ISIS-it. Shumë prej burrave kanë vdekur ose janë në burg. Dhuna atje nuk mungon, e ka pasur disa vrasje, por është thuajse e pamundur të gjenden fajtorët.
Washington Post sakaq pohon se në kampin e izoluar jetojnë gjithsej 70 mijë gra dhe fëmijë. roje të armatosura dhe të maskuara kurde e mbikëqyrin kampin ku ka plot të mitur të cilët nuk zgjodhën as të tërhiqeshin me zor, e as të lindnin në të ashtëquajturin kalifat. Nga periudha dhjetor 2018 deri shtatorin e këtij viti, gati 340 fëmijë kanë ndërruar jetë në Al-Hol, vazhdon shkrimi— shumica nga sëmundje krejtësisht të kurueshme si diarreja akute apo edhe nga kequshqyerja.
Top Channel
