“Rusia nuk është partnere e besueshme”, pezullohet furnizimi me gazin natyror rus në Austri 15/11 20:13
Teksa imagjinonte për ditët kur do mund ta shihte të birin të rritej, të hidhte hapat e parë e të diplomohej, 36-vjeçari Paul Hill mësoi se ëndrrat do t’i ndërpriteshin në mes; baba i një djali 19 muajsh, George- t, Paul vuan nga kanceri në stomak.
Sëmundja ka përparuar kaq shumë sa aktualisht gjendet në fazën e katërt.
Paul u diagnostikua me kancer një vit pasi i vogli George erdhi në jetë dhe mjekët besojnë se sëmundja ka së paku 5 vite që është zhvilluar, ndonëse nuk ka shfaqur asnjë shenjë, deri pak kohë më parë.
Aktualisht, 36-vjeçari po ndan me mbarë globin historinë e tij duke u kërkuar të tjerëve të tregohen sa më shumë vigjilentë.
“Momenti kur lindi George ishte më i çmueshmi për mua. U zotova se do të isha gjithmonë aty për të. Madje edhe kur u diagnostikova me kancer, vazhdova ta mbaja si premtim. I premtova se do mund ta mposhtja sëmundjen dhe do ia dilja ta shihja teksa ai rritej. Do të bëj gjithçka, me aq sa mundem që t’ia dal.“
Inxhinieri nga Hull kuptoi se diçka nuk shkonte me organizmin e tij kur nisi të kishte problem me gëlltitjen. Më pas nisën dhimbjet e forta…
Pas kontrolleve të shumta, familjes iu dha lajmi shkatërrues: babai i ri kishte një tumor të madh në stomak, i cili ishte përhapur në pankreas dhe nyjet limfatike. Kështu, për shkak se tumori është ngjitur në enën e tij kryesore të gjakut, mjekët nuk munden dot ta operojnë.
Top Channel
