Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Sekretari amerikan i shtetit, Mike Pompeo, ka përgëzuar Malin e Zi për performancën e tij në NATO, organizatë ku vendi u anëtarësua në 2017, si edhe ka shprehur mbështetjen për anëtarësimin e vendit në BE.
Ai u takua në Podgoricë me kryeministrin malazez Dushko Markoviç, presidentin Milo Gjukanoviç si edhe ministrin e jashtëm Srgjan Darmaniviç. Në një konferencë për shtyp, Pompeo nuk i kurseu lëvdatat për Malin e Zi.
“Vizita ime këtu sot, përbën të parën vizitë të një sekretari shteti që kur vendi juaj mori pavarësinë 13 vite më parë. Unë po e bëj këtë një okazion historik.
Dua të filloj me përgëzimet për anëtarësinë tuaj në aleancën e NATO-s, një nga aleancat më efektive dhe të rëndësishme të sigurisë. Faleminderit që përmbushët edhe angazhimin tuaj për 2 për qind të shpenzimeve për mbrojtjen”.
Pas vizitës së tij në Podgoricë, Pompeo udhëtoi drejt Maqedonisë së Veriut, vend ky që po ashtu synon të bëhet anëtarja e 30 e NATO-s deri në fund të vitit.
Gjatë qëndrimit në Ohër, Pompeo tha se është i bindur që senati amerikan do të ratifikojë në vjeshtë protokollin për anëtarësimin e Maqedonisë së Veriut në NATO.
Pompeo takoi në Maqedoni, presidentin Stevo Pendarovski dhe kryeministrin Zoran Zaev, me të cilët diskutoi zgjerimin dhe forcimin e lidhjeve ekonomike dhe të sigurisë ndërmjet Shteteve të Bashkuara dhe Maqedonisë së Veriut e cila synon lidhje më të ngushta me perëndimin.
Top Channel
