Durrës/ Aktori Vasili do të drejtojë teatrin “Aleksandër Moisiu”

Aktori Laert Vasili do të drejtojë teatrin profesionist ”Aleksandër Moisiu”, vendim ky që do të merret nga Këshilli Bashkiak këtë të premte.

Kryetarja e bashkisë, Valbona Sako ka shkarkuar drejtorin aktual të Qendrës Kulturore, Elio Bajramaj i cili u emërua në këtë post pas daljes në pension të shkrimtarit Bashkim Hoxha.

Bashkia do ta paraqesë këtë emërim në mbledhjen e radhës të Këshillit Bashkiak Durrës, që do të mbahet të premten, më 27 shtator, duke kërkuar nga këshilltarët miratimin e shkarkimit të Bajramajt nga drejtor i Qendrës Kulturore “Aleksandër Moisiu” dhe emërimin në këtë detyrë të Laert Vasilit.

Njëkohësisht pritet që të premten KB të miratojë dhe ndryshimin e emërtimit nga Qendër Kulturore në teatri ”A.Moisiu”.

Top Channel