Sahit Dollapi: PD është gati për zgjedhje të parakohshme

Dollapi e bëri këtë vlerësim gjatë një interviste në Shijak TV, ku tha se muaji gusht nuk ishte një periudhë pushimesh për demokratët.

“PD ka një strukturë gjigande me 71 degë brenda vendit, 6 degë jashtë vendit, 872 grupseksione dhe mbi 5700 seksione, që korrespondojnë me qendrat e votimit dhe ku është bërë një lunë kolosale për një organizim më të mirë, për identifikimin e çdo resursi dhe aktivizonin në çdo kohë për përballjen elektorale. Qëllimi kryesor i kësaj pune të jashtëzakonshme është përgatitja e partisë për zgjedhje të parakohshme parlamentare dhe lokale në të njëjtën ditë. Në synojmë që këto të jenë zgjedhje të lira e të ndershme, ku përballja të jetë për alternativën më të mirë dhe jo për të fortin, kriminelin apo banditin e rradhës.”- u shpreh Sahit Dollapi.

Sekretari organizativ i Partisë Demokratike theksoi se forca më e madhe e opozitës ka detyrimin për të sjellë në qeverisje njerëz të pastër, që i shërbejnë vendit dhe jo interesave personalë apo, akoma më keq, interesave kriminalë. “Për ta arritur tek zgjedhjet e lira e të ndershme duhet dekriminalizimi i politikës nga të emëruarit e krimit dhe nga të korruptuarit.-tha Sahit Dollapi.

“Dua të sjell në vëmendje se përveç të rinjve që shkollohen dhe lunojnë këtu, janë me mijëra të rinjtë që po shkollohen jashtë vendit dhe ata duan njerëz të pastër më drejtimin e vendit, duan që qeveritarët të punojnë në interes të tyre duke iu përgjigjur edukimit perëndimor që ata marrin jashtë vendit.”- tha zoti Dollapi.

Duke iu referuar raportit të OSVE/ODIHR-it, Sekretari Organizativ i PD, tha: “Kjo qeveri, që i ka bërë vendit dëme të mëdha, duhet të marrë fund. Vendi ka nevojë jetike për një qeveri tranzitore pa Edi Ramën kryeministër, që t’u garantojë shqiptarëve të drejtën themelore për të zgjedhur vetë qe qerinë që duan. Në çdo kohë që kjo të vijë, PD dhe strukturat e saj janë gati të ndezin motorrët e fitores”.

Top Channel