Aksident i rëndë në autostradën Durrës-Tiranë, makina me tre të rinj përfundon në kanal 24/11 22:37
Pas publikimit të disa dokumenteve të autoriteteve greke nga ana e Partisë Demokratike, sipas së cilës vërtetohet akuza për falsifikim parash ndaj kryebashkiakut të Vorës, Agim Kajmaku, ka reaguar vetë ky i fundit.
Përmes një postimi në Facebook, Kajmaku thekson se nuk është marrë kurrë me trafiqe dhe krime dhe se për çështjen në fjalë le ta japin autoritetet verdiktin e tyre.
Deklarata e plotë:
“Që pas marrjes së detyrës si kryetar i Bashkisë së Vorës, ata s’u përballen nga frika e humbjes së padiskutueshme, më janë vërsulur me tërbim!
Por unë siguroj me bindje, në radhë të parë qytetarët e Vorës se i qëndroj pikë për pikë asaj që kam deklaruar edhe më herët lidhur për këtë sulm.
Unë nuk jam marrë kurrë me trafiqe dhe krime. Kam qenë dhe jam punëtor e familjar. Kam punuar për të nxjerrë bukën e gojës në Shqipëri e në emigracion dhe emrin e kam ndryshuar si të gjithë shqiptarët, që të më jepej mundësia të rrija atje dhe punoja.
Partia Demokratike po merret me limona dhe me mandarina emigrantësh shqiptarë, të cilët halli i ka shtyrë të punojnë në një vend të huaj! Ata bëjnë sikur nuk e dijnë se çfarë kanë hequr shqiptarët për të mbijetuar me emra e me mbiemra nga më të ndryshmit në Greqi.
Në fakt PD është limoni i shtrydhur që s’i duhet më asnjeriu. Le ta thonë autoritetet fjalën e tyre dhe të na falin qytetarët për këtë shqetësim!
Unë dua të siguroj qytetarët e Vorës se pavarësisht kësaj poshtërsie, jam dhe do të jem në çdo moment në krye të detyrës! Ju më besuat në 30 qershor për t’i ndryshuar faqen Vorës sonë dhe për t’a vënë bashkinë në shërbim të qytetarëve”, përfundon Kajmaku.
PD nxjerr dokumentet e Greqisë: Agim Kajmaku u arratis, rrezikon 10 vite burg
Agim Kajmaku hesht! Burimet: Ka prova që vërtetojnë se nuk është i akuzuar
Top Channel
