Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Më shumë se një mijë zjarrfikës janë përballur që nga orët e para të së dielës me zjarre që kanë çuar në evakuime fshatrash në Portugalinë qendrore.
Më shumë se një mijë zjarrfikës dhe 400 mjete u dislokuan mëngjesin e të dielës në zonën malore dhe të pyjëzuar të Castelo Brankos, 200 km në veri të Lisbonës. Në përpjekjet për të shuar flakët u angazhuan edhe rreth 20 avionë dhe helikopterë.
Një civil dhe të paktën shtatë zjarrfikës janë lënduar si pasojë e flakëve.
Ushtria po ashtu ka dislokuar trupa dhe makineri për tu ardhur në ndihmë zjarrfikësve. Disa rrugë kombëtare janë mbyllur dhe një numër fshatrash në rajon janë evakuuar.
Portugalia është ende e traumatizuar nga vdekja e dhjetëra njerëzve në zjarret e 2017 me autoritetet që kanë marrë tani masa shtesë. Por të ushqyer nga era e fortë, zjarret janë përhapur në tre drejtime të ndryshme që nga pasditja e të shtunës.
Gjashtë rajone në Portugalinë qendrore dhe jugore janë vënë në alarm maksimal për zjarre.
Top Channel
