Trump kërkon të blejë Groenlandën, qeveria daneze akordon 1.5 bilion dollarë investime: Koha e njoftimit është thjesht rastësi 24/12 23:26
Kroacia duhet të ndalë menjëherë kthimin e emigrantëve dhe azilkërkuesve në Bosnje dhe Hercegovinë, thuhet në një letër të hapur, të cilën, organizata Human Rights Watch (HRW), i ka dërguar Presidentes së Kroacisë, Kolinda Grabar-Kitaroviq.
HRW dhe organizata tjera, përfshirë UNHCR-në dhe Këshillin e Evropës, kanë raportuar rregullisht për rritjen e shqetësimeve për dhunën e zyrtarëve kroatë ndaj emigrantëve në kufirin me Bosnjën. Autoritetet kroate i kanë kundërshtuar pretendimet.
“Zagrebi duhet t’i japë fund dëbimit të paligjshëm dhe dhunës kundër emigrantëve në kufijtë e saj”, tha Lydia Gall, hulumtuese e lartë për Ballkanin në Human Rights Watch.”Zyrtarët kroatë të kufirit kanë keqtrajtuar qindra, ndoshta mijëra, emigrantë dhe azilkërkues, të cilët meritojnë drejtësinë”, tha ajo.
Si rezultat i mbylljes së kufirit të 2016 në rrugën e Ballkanit Perëndimor, mijëra azilkërkues u bllokuan, shumica në Serbi, dhe gjetën rrugë të reja drejt BE-së.
Më 2018, numri i emigrantëve dhe azilkërkuesit u rrit në Bosnje dhe Herzegovinë, nga më pak se 1.000 në vitin 2017 në rreth 22.400, sipas Komisionit Evropian.
Komisioni vlerëson se 6.000 emigrantë dhe azilkërkues janë aktualisht në këtë vend. Bosnja dhe Hercegovina i ka dhënë mbrojtje ndërkombëtare vetëm 17 personave që nga viti 2008.
Në vitin 2017, 381 persona kanë aplikuar për azil atje.
Që nga korriku 2018, Agjencia Evropiane, e njohur zakonisht si Frontex, ka pasur një prani në kufirin Kroaci dhe Bosnjë nëpërmjet një sistemi të mbikëqyrjes, që nënkupton patrulla të përditshme përgjatë kufirit dhe zonës kufitare.
Një nga prioritetet e operacionit Frontex është zbulimi i shkeljeve të të drejtave të njeriut dhe kthimet e shpejta të emigrantëve. Por në fund të majit, Frontex i tha Human Rights Watch se nuk kishte zbuluar ndonjë shkelje të të drejtave të njeriut.
Top Channel
