Aksident i rëndë në autostradën Durrës-Tiranë, makina me tre të rinj përfundon në kanal 24/11 22:37
Anëtari i KQZ-së, Bledar Skënderi i është kundërpërgjigjur akuzave të sekretarit të Përgjithshëm të Partisë Demokratike, Gazmend Bardhi, ku ky i fundit një ditë më parë tha se në Vaun e Dejës është votuar me fletë votimi të falsifikuara.
Nëpërmjet një postimi në Facebook, Skënderi sqaron se akuzat janë të rreme dhe dokumentet vërtetojnë që votime në Vaun e Dejës janë bërë konform ligjit.
“Po ju paraqes disa dokumente që vërtetojnë se fletët e votimit për Bashkinë Vau i Dejës janë prodhuar në Slloveni. Pas djegies së KZAZ në dt 27.06.2019 është kontaktuar direkt me kompaninë sllovene. Fletët e votimit janë prodhuar paraditen e dt.28.06.2019.
Dok 1 dhe 2 në foto -Transporti është kryer në dt 29.06.2019
Fletët e votimit kanë kaluar pikën e kalimit kufitar rreth orës 1-1.30., të mëngjesit të dt 30 qershor
Punonjësit tanë kanë pritur dhe dorëzuar fletët në KZAZ. Shpërndarja e gjithë bazës materiale për KQV ka mbaruar para orës 6.
Të gjitha Qendrat e Votimit kanë qenë të hapura në orën 7.00., sipas dispozitave të Kodit Zgjedhor! Nesër do publikojmë dhe vërtetimin nga sistemi TIMS se kur ka kaluar makina në PKK Hani i Hotit”, sqaron Skënderi në Facebook.
Top Channel
