Mediat kanadeze padisin inteligjencën artificiale OpenAI për shkelje të të drejtës së autorit (fotot)
29/11 21:55
I dyshuari kryesor për vrasjen e politikanit gjerman të CDU-së, Walter Lübcke, pranoi se është ai autori i krimit.
Stephan E. është dënuar më parë për vepra penale me sfond ekstremist të djathtë dhe që në fillim, u mendua se qëndronte ai pas episodit të ndodhur në fillim të qershorit e që tronditi opinion publik në Gjermani.
Komisioni për Punët e Brendshme në Bundestagun gjerman zhvilloi të mërkurën një takim, jo publik, për rastin e ngjarjes së bujshme, dhe diskutimet u fokusuan tek pyetja nëse i dyshuari kishte lidhje me rrjetet ekstremiste të djathta.
Stephan E. tha se ka vepruar i vetëm, dhe ndonëse motivi për krimin është ende i pasqaruar, nuk janë mbyllur hetimet për “vrasje politike”.
Presidenti i Mbrojtjes Kushtetuese, Thomas Haldewang tha në komision, se autoritetet nuk e kishin nën vëzhgim intensiv Stephan E. që nga viti 2009, ndaj u kërkua që kjo zyrë federale të pajiset më mirë në luftën kundër ekstremizmit të djathtë.
Lübcke u gjend i vrarë me një plumb në kokë në verandën e shtëpisë së tij, në Kassel, në 2 qershor. Ai ishte kërcënuar disa herë, për shkak të politikës së tij të hapur në mbështetje të refugjatëve.
Top Channel
