“Libani do të shpërbëhet”, Borrell: Nuk ka asnjë justifikim për Izraelin, të pranojë marrëveshjen me Hezbollahun 26/11 15:35
Disa prej njerëzve më të pasur të SHBA po i nxisin kandidatët presidencialë të mbështesin një taksë mbi pasurinë e miliarderëve, me qëllimin të përmirësohet pabarazia dhe ndryshimet e klimës.
“Amerika ka një përgjegjësi morale, etike dhe ekonomike për t’i taksuar më shumë me të pasurit tanë”, thuhet në letrën e firmosur mes të tjerash nga investitori George Soros, bashkëthemeluesi i Facebook-ut, Chris Hughes, Molly Munger, e bija e manjatit Charlie Munger, një trashgimtar i Walt Disneyt dhe pronarët e rrjetit të hoteleve Hyatt.
Grupi u kujdes ta theksonte se nuk ka lidhje me asnjerën parti dhe nuk mbështet asnjë kandidat presidencial. Një taksë mbi pasurinë do të ndihmonte menaxhimin e krizës së klimës, do të përmirësonte ekonominë, kujdesin shëndetësor, do të krijonte mundësi me të drejta e do të forconte liritë tona demokratike. Vendosja e një takse të tillë do të ishte në interesin e Republikës, theksohet në letrën e hapur që mban 18 firma.
Aty sillet si shembull fakti që miliarderi Ëarren Buffet taksohet në një nivel të ulët se ai i sekretares së tij. Edhe pse grupi e bëri të qarte se nuk mbështet ndonjë kandidat në veçanti, ai lavdëronte propozimin e senatores demokrate Elizabeth Warren, e cila lufton gjithashtu për shtëpinë e bardhë, e që thotë se do t’i rrisë taksat mbi personat me të ardhura që kapërcejnë 50 milionë dollarët.
Kjo masë do të prekte 75,000 familjet më të kamura në vend, e do të grumbullonte sipas Ëarrenit, $2.75trilion dollarë përgjatë 10 viteve në vazhdim.
Top Channel
