Zjarri në Elbasan/ Helikopter për të evakuuar banorët e bllokuar
18/06/2019 12:50
Drejtuesi politik i PD i qarkut të Tiranës, Belind Këlliçi paraqitet në SPAK 25/11 09:54
Një zjarr i përmasave të mëdha përfshiu një apartament në lagjen “Dyli Haxhire Myzyri” në qytetin e Elbasanit duke mbajtur në panik e ankth për më shumë se dy orë qindra banorë të këtij pallati 12 katësh.
Apartamenti që u përfshi nga flakët u dogj pjesërisht, por aksioni u përqëndrua në shpëtimin e banorëve në apartamentet e tjera ku rrezikonin asfiksinë për shkak të tymit që përfshiu të gjithë ndërtesën.
Një pjesë e njerëzve, përfshirë fëmijë, u nxorrën nga ballkonet me anë të mjeteve të zjarrfikëses, ndërsa efektivët e policisë dhe zjarrfikëses bënë të mundur hapjen e të gjitha apartamenteve, shoqërimin e njerëzve në ballkone dhe ajrosjen e ambienteve.
Dy fëmijë dhe një e moshuar u shoqëruan në spital me shenja asfiksie, por jashtë rrezikut, po ashtu dy efektivë zjarrfikëse patën probleme shëndetësore gjatë operacionit.
Ka qenë fillimisht vështirë ndërhyrja e zjarrfikëses në rrugicën ku ndodhi ngjarja, për shkak të mjeteve të parkuara, në tension e sipër vetë qytetarët kanë bërë të mundur largimin e mjeteve për të krijuar hapësirë për zjarrfikësen.
Në një pallat me 12 kate, ku numërohen mbi 100 apartamnente, mungonin shkallët e emergjencës apo mjetet të tjera për shpëtimin nga zjarri, kjo e bëri edhe më të vështirë menaxhimin e situatës.
Top Channel
