Një ditë pasi kryetarët e bashkive që drejtohen nga opozita kërkuan nga KQZ lirimin e ambienteve ku janë vendosur Komisionet Zonale të Administrimit Zgjedhor, Policia e Shtetit ka nisur ruajtjen e këtyre ambienteve.
Një mjet i komisariatit të Policisë Mat është dislokuar pranë pallatit të Sportit “Ferit Hysa”.
Disa efektiv të policisë së rendit qëndrojnë aty që prej pasdites së premte duke mbrojtur zyrat ku janë vendosur materialet zgjedhore deri në këto momente.
Kujtojmë se bashkitë opozitare kërkojnë zbatimin e dekretit të Presidentit Meta që shtyn datën e zgjedhjeve, ndërkohë që të enjten që lamë pas Kuvendi miratoi një rezolutë ku u kërkohej të gjitha institucioneve që të merrnin të gjitha masat për zhvillimin e zgjedhjeve më 30 qershor.
Top Channel
