“Për Shqiptarët”/ Lindi vetëm 850 gram, vuajtjet dhe sakrificat e familjes së Valdrinit! 1 vjeçari në luftë për jetën 22/11 23:29
Në përfundim të protestës të nisur të shtunën, kreu i PD ka zhvilluar një mbledhje të jashtëzakonshme të grupit të kryesisë së Kolegjit të kryetarëve dhe aleatëve.
Top Channel ka zbardhur detaje nga mbledhja e jashtezakonshme që ka filluar pak pas mesnate, ku është vendosur edhe zhvillimi i një tjetër protestë kombëtare ditën e hënë ora 19:00.
Gjithashtu opozita ka vendosur startimin e protestave prej së dielës, pa ndërprerje deri në lirimin e Sekretarit Organizativ të PD, Sahit Dollapi.
“Neser 11.00 proteste nga forumi me i larte politik i PD dhe partive te tjera te opozites tek drejtoria e Policise. Të hënën ora 19.00 protestë kombetare”, thuhet në vendimin e PD.
Mësohet se kreu i PD ka vlerësuar protestën dhe akuzon policinë për dhunë.
“Nuk ka pikë dyshimi që ishte protestë e jashtëzakonshme. Mllefi i njerëzve ka arritur kulmin. Kjo dhunë barbare ndaj protestuesve, arrestimi i tyre dhe veçanërisht arrestimi i Dollapit kërkon një përgjigje të fuqishme.
Duhet një reagim i shpejtë. Me dy kushte Lirimi i menjehershem i te arrestuarve, si dhe arrestimi i menjehershem i autorëve të dhunës”, ka deklaruar Basha.
Top Channel
