Goga Basket “ngrin” Teutën

Takimi i luajtur në pallatin e sportit “Ramazan Njala” të Durrësit ka qenë mjaft i bukur, emocionues dhe dramatik. Një kosh në sekondën e fundit nga amerikani Ramme për skuadrën e Gogës i dha fitoren këtij ekipi, atëherë kur ky sukses dukej i pamundur.

Perioda e parë fitohet 23-21 nga Goga Basket, por në të dytën janë basketbollistët e Teutës që luajnë më mirë dhe përmbysin shifrat në 41-39 në favorin e tyre. Në periodën e tretë loja komandohet nga Goga Basket, që arrin të shkëputet 62-55, duke qenë më të saktë në gjuajtje. Loja bëhet dramatike në minutat e fundit, me Teutën që nis gradualisht të rikuperojë dhe barazon shifrat në 66-66.

Madje vendasit kryesojnë me 2-3 pikë në fund, por nuk e ruajnë këtë epërsi, pasi humbasin dy raste të arta për të mbyllur ndeshjen. Goga Basket fiton një top në fund dhe nga një pozicion i pamundur Ramme shënon koshin e fitores në sekondën e fundit, 73-72, duke nisur festën.

Në fund ka edhe tension, pasi tifozët durrsakë hedhin sende në fushë, ndërkohë që mungojnë forcat e rendit. Kanë mbetur edhe dy ndeshje tashmë të planifikuara nga kjo finale, më 12 dhe 15 maj, nëse do të kemi sërish barazim edhe pas këtyre ndeshjeve atëherë do të zhvillohet një ndeshje e fundit shtesë për të përcaktuar fituesin.

Top Channel